ചാഴൂരിൽ മിനി ഇൻഡോർ സ്റ്റേഡിയം തുറന്നു

ചാഴൂർ ഗ്രാമപഞ്ചായത്തിലെ ഇ.എം.എസ്. സ്മാരക മിനി ഇൻഡോർ സ്റ്റേഡിയം പ്രവർത്തനം ആരംഭിച്ചു. 2.45 കോടി ഉപയോഗിച്ചാണ് സ്റ്റേഡിയം നിർമ്മിച്ചിരിക്കുന്നത്. ശബ്ദ പ്രതിധ്വനി ഒഴുവാക്കുന്നതിന് ഭിത്തികളിൽ അക്കൗസ്റ്റിക് പാനലിംഗ് ചെയ്തിട്ടുണ്ട്. തറ വിട്രിഫൈഡ് ടൈൽ ഉപയോഗിച്ചും കളിസ്ഥലം വുഡൻ ഫ്ളോറിങ് ഉപയോഗിച്ചുമാണ് നിർമിതി. ഗ്രീൻ റൂമുകൾ, ടോയ്ലറ്റുകൾ, ഓഫീസ് റൂം ഉൾപ്പെടെ സജ്ജമാണ്.

കായിക മേഖലയെ കളിയോടൊപ്പം സാമ്പത്തിക മേഖലായാക്കി മാറ്റാനുള്ള പ്രവർത്തനങ്ങളിലാണ് സർക്കാർ. വിദ്യാഭ്യാസ മേഖലയിൽ കായിക പ്രവർത്തങ്ങൾ എകോപിച്ച് കായികം ഒരു വിഷയമാക്കി സിലബസ് രൂപീകരിക്കും. കൂടാതെ എല്ലാ ജില്ലകളിലും ഒരു പ്രധാന കളിക്കളം നിർമ്മിക്കുന്നതിനുള്ള നടപടികൾ പൂർത്തീകരിച്ച് കൊണ്ടിരിക്കുകയാണ്. ഇതിൻ്റെ ഭാഗമായാണ് ഉയർന്ന നിലവാരത്തോടെ തൃശൂർ ജില്ലയിൽ ലാലൂരിലും ജി വി രാജ സ്പോർട്ട്സ് സ്കൂളിലിനുമടക്കം കളിക്കളങ്ങൾ ഒരുക്കുന്നത്.

എല്ലാ ഗ്രാമപഞ്ചായത്തുകളിലും കായിക മേഖലക്ക് കൂടുതൽ പ്രാധാന്യം നൽകി കളിക്കളങ്ങളും അടിസ്ഥാന സൗകര്യങ്ങളും ഒരുക്കി കായിക താരങ്ങളെ പ്രോത്സാഹിപ്പിച്ച് ജോലി സാധ്യതകൾ കൂടി ഉറപ്പാക്കുകയാണ് ലക്‌ഷ്യം. ഇതിനായി പഞ്ചായത്ത് ബജറ്റിൽ രണ്ട് ശതമാനം കായിക പ്രവർത്തനങ്ങൾക്ക് മാത്രമായി മാറ്റി വെച്ചിട്ടുണ്ട്. ഈ ഫണ്ട് ഉപയോഗിച്ച് വരും വർഷത്തിൽ കായിക പ്രവർത്തങ്ങൾ പ്രോത്സാഹിപ്പിക്കുന്നതിനായി ആസൂത്രണ സമിതി രൂപീകരിപ്പിച്ച് പ്രവർത്തനങ്ങൾ എകോപിക്കും.

കായിക മേഖലയ്ക്ക് കരുത്തേകുന്ന ചെറിയ സ്റ്റേഡിയങ്ങൾ ഉയരുന്നതോടെ ഗ്രാമങ്ങളിലെ കായിക താരങ്ങൾക്ക് പുത്തൻ പ്രതീക്ഷകളാണ് നൽകുന്നത്.