ജില്ലാ സ്പോർട്സ് അക്കാഡമി ഹോസ്റ്റൽ നിർമാണം ആരംഭിച്ചു
കൊല്ലം ജില്ലാ സ്പോർട്സ് അക്കാദമി ഹോസ്റ്റലിന്റെ നിർമ്മാണ ഉദ്ഘാടനം ആശ്രാമം ഹോക്കി സ്റ്റേഡിയത്തിൽ നിർവഹിച്ചു. രണ്ടരക്കോടി രൂപ ചെലവിൽ മികച്ച അടിസ്ഥാന സൗകര്യങ്ങളോടുകൂടിയാണ് ഹോസ്റ്റൽ നിർമ്മിക്കുന്നത്. സംസ്ഥാനത്തെ കായിക മേഖലയ്ക്ക് ഉണർവു പകരും വിധം മികച്ച അടിസ്ഥാനസൗകര്യം ഉറപ്പാക്കാൻ സർക്കാർ നടപടികൾ സ്വീകരിക്കുന്നതിന്റെ ഭാഗമായി മുഴുവൻ ജനങ്ങളുടെയും കായിക ക്ഷേമം ഉറപ്പുവരുത്തുന്നതിന് ലക്ഷ്യമിട്ടുകൊണ്ട് പ്രാദേശിക തലത്തിൽ പദ്ധതികൾ നടപ്പാക്കുന്നതും പരിഗണിക്കുകയാണ്. കായികരംഗത്തെ സമഗ്രമായ വികസനം ലക്ഷ്യമിട്ടുള്ള ബഹുമുഖ പദ്ധതികൾ നടപ്പാക്കുകയാണ് സർക്കാരിന്റെ ലക്‌ഷ്യം.
